புதுவயல் நடராஜபுரத்தில் கழிவுநீர் சுத்திகரிப்பு நிலையம் அமைக

புதுவயல் நடராஜபுரத்தில் கழிவுநீர் சுத்திகரிப்பு நிலையம் அமைக்க எதிர்ப்பு தெரிவித்து காத்திருப்பு போராட்டம்

எழுத்தாளர் Sivagangai Admin · 10 ஜூலை, 2026

1 நிமிட வாசிப்பு

காரைக்குடி, ஜூன் 10- காரைக்குடி அருகே உள்ள புதுவயல் பேரூராட்சியில் பாதாள சாக்கடை திட்டம் செயல்படுத்தப்பட்டு அதன் கழிவுநீர் சுத்திகரிப்பு நிலையம் நடராஜபுரம் பகுதியில் பேரூராட்சி நிர்வாகம் அமைத்து வருகிறது. இந்த பகுதியில் கழிவு நீர் சுத்திகரிப்பு நிலையம் அமைத்தால் துர்நாற்றத்துடன் பொதுமக்கள் குடியிருப்பு பகுதியில் வசிக்க முடியாது என்று கூறி இதற்கு எதிர்ப்பு தெரிவித்து அப்பகுதி மக்கள் 300-க்கும் மேற்பட்டோர் பந்தல் அமைத்து காத்திருப்பு போராட்டத்தில் ஈடுபட்டு வருகின்றனர்.

இதுகுறித்து அப்பகுதி மக்கள் கூறும் பொழுது புதுவயல் முழுவதும் நடராஜபுரம் பகுதியில் இருந்து தான் குடிநீர் வினியோகம் செய்யப்படுகிறது. இங்கு கழிவு நீர் சுத்திகரிப்பு நிலையம் வந்தால் குடிநீர் மாசுபட்டு பொதுமக்களுக்கு குடிநீர் கிடைக்காத நிலை ஏற்படும். என்றும் அதனால் இந்த இடத்தில் கழிவுநீர் சுத்திகரிப்பு நிலையம் அமைக்க கூடாது. வேறு இடத்தை தேர்வு செய்து அங்கு அமைக்க வேண்டும், என்று தொடர் போராட்டத்தில் ஈடுபட்டு வருகின்றனர்.