காரைக்குடியில் சமரச தீர்வு மையம் சார்பில் விழிப்புணர்வு பேரணி நீதிபதிகள், வழக்கறிஞர்கள், சட்டக் கல்லூரி மாணவர்கள் பங்கேற்பு

காரைக்குடி, அக்.1- காரைக்குடி நீதிமன்ற வளாகத்தில் சமரச தீர்வு மையம் மற்றும் துணை சமரச தீர்வு மையம் செயல்பட்டு வருகிறது. இந்த மையத்தின் மூலம் தனிநபர் வழக்குகள், பண வசூல் வழக்குகள், குடும்ப வழக்குகள், சொத்து வழக்குகள், வாடகை வழக்குகள், காசோலை வழக்குகள், மின்சார வாரிய வழக்குகள், தொழிலாளர் நல வழக்குகள் உள்ளிட்ட பல்வேறு உரிமையியல் மற்றும் இதர வழக்குகளுக்கு சமரச முறையில் தீர்வு காணப்பட்டு வருகிறது. சமரச முறையின் மூலம் வழக்குகளை விரைவாகவும், சுமூகமாகவும் தீர்த்துக்கொள்ள முடியும் என்பது குறித்து பொதுமக்களிடையே விழிப்புணர்வு ஏற்படுத்தும் வகையில், “சமரசம் தீர்வு காணும் வழியும் அதன் பயனும்” என்ற தலைப்பில் இன்று விழிப்புணர்வு பேரணி நடைபெற்றது.

காரைக்குடி நீதிமன்றத்தில் இருந்து தொடங்கிய இந்தப் பேரணி, நகரின் முக்கிய வீதிகள் வழியாக நடைபெற்றது. இந்த விழிப்புணர்வு பேரணியில் நீதிபதிகள், வழக்கறிஞர்கள், சட்டக் கல்லூரி மாணவ-மாணவியர்கள் மற்றும் NNC மாணவர்கள்பொதுமக்கள் கலந்து கொண்டனர். சமரச முறையின் மூலம் நீதிமன்ற வழக்குகளை சுமூகமாக தீர்த்துக்கொள்ள முடியும் என்பது குறித்து பொதுமக்களுக்கு விழிப்புணர்வு ஏற்படுத்தும் வகையில் பேரணியில் பல்வேறு விழிப்புணர்வு வாசகங்கள் இடம்பெற்றன.